如果有一日, 你地黎補習, 入課室要上張欣欣LIVE堂時, 才發現面前站著的不是張欣欣我本人, 而是一個你地唔識嘅老師, 你地會點?
如果補習社同你地講, 呢個老師好好架, 將就下照上啦, 你地會點?
如果補習社再同你地講, 原來佢地睇錯左欣欣既時間表, 而家安排左欣欣去外國啦! 你地雖然一早已報左呢班LIVE, 都係無得上架啦, 你地又會點?
你地交足晒張欣欣嘅LIVE 班學費, 但而家只有一個你唔識嘅二打六黎教你地, 無得退學費, 無得改時間, 無得轉老師, 無任何補償, 你地會點?
從你地既戰鬥力估計, 我諗成間補習社會被夷為平地, 血流成河, 粗口橫飛, 羅經理蘿柚都不保......
我在婚禮上的VIDEO拍攝安排, 正出現了EXACTLY以上的情況!
我和未婚妻也一早便BOOK定了VIDEO的攝影師, 定埋時間, 地點, 價錢, 連咩人咩底褲顏色都定晒!
但昨日才得知, 原來有人話自己睇錯時間喎, 而家黎唔到啦, 派個助手過黎充當拍攝算數!
無提任何補償.
價錢照收.
轉唔切人.
就好似你地入戲院睇戲......
諗住睇吳尊, 變左安德尊!
諗住睇陳法拉, 變左狄波拉!
我未婚妻, 激到喊咗出黎!
我向女友求婚佢都無喊到(詳見前文), 估唔到俾個攝影師激到喊出黎!
我唔俾世界上任何人激喊我愛嘅女人, 除左我本人例外!
我張欣欣雖然唔係好有錢, 但我至少有能力保護我的女人!
點都好, 仲有兩日!
你地有咩建議?
如果有至TOP既拍攝, 都可以介紹架!
大不了, 再花多幾萬蚊!
為所愛的人,
即使幾十萬,
也值得!
Search